Mərkəzləşdirilmiş Kitabxana Sisteminin Heydər Əliyev Mərkəzində yerləşən 16№-li kitabxana filialında 31 mart Azərbaycanlıların Soyqırımı günü ilə əlaqədar “Unudulmaz faciə” mövzusunda anım günü keçirildi.

 Tədbirdə 38№-li orta məktəbin müəllimləri və 6-7 sinif şagirdləri iştirak edirdi.

  Tədbiri açıq elan edən kitabxananın müdiri Lyudmila Axundova  qeyd etdi ki, 31 mart 1918-ci ildə baş vermiş azərbaycanlıların soyqırımının 101 ili tamam olur. Ümumilli lider  Heydər Əliyevin 26 mart 1998-ci ildə imzaladığı  fərmanla hər il erməni daşnak silahlı quldur və terrorçu birləşmələri tərəfindən Azərbaycanda törədilmiş bu faciə özünün tarixi qiymətini aldı. Elə həmin ildən başlayaraq  31 mart Azərbaycanlıların Soyqırımı günü kimi qeyd olunmağa başladı.

  38№-li məktəbin tarix müəllimi Təranə İbrahimova,  kitabxananın fəal oxucusu, GDU-nun tələbəsi Sevda Məmmədova soyqırımla bağlı çıxış etdilər.

Sonra şagirdlər Vətən məhəbbətini, şəhidləri, qəhrəmanlığı tərənnüm edən şeirlər söylədilər.

  Sonda soyqırım ilə bağlı video görüntülər nümayiş etdirildi.