Gəncə-Daşkəsən Regional Mədəniyyət İdarəsinin, Mədəni İrsin Qorunması, İnkişafı və Bərpası üzrə Dövlət Xidmətinin Gəncə Regional İdarəsinin və Gəncə Dövlət Tarix – Mədəniyyət Qoruğunun birgə təşkilatçılığı ilə Gəncə DTMQ-nın Vətən müharibəsində şəhid olmuş əməkdaşı Hikmət Məmmədovun anım günü ilə bağlı tədbir keçirilmişdir.

 

Tədbirdə Gəncə-Daşkəsən Regional Mədəniyyət İdarəsinin rəisi vəzifəsini icra edən Pərvin Kazımov,  Gəncə DTMQ-nın direktoru Vüsal İbrahimov, şəhidin ailə üzvləri,  təhsil aldığı Kəlbəcər rayon 98 saylı tam orta məktəbin müəllim və şagird kollektivi, Gəncə Dövlət Universitetinin müəllim və tələbələri, şəhid anaları və  qazilər iştirak etmişdirlər.

 

Gəncə-Dakəsən Regional Mədəniyyət İdarəsinin rəisi vəzifəsini icra edən Pərvin Kazımov şəhidimizin əziz xatirəsindən söhbət açmış, keçdiyi şücaətli döyüş yolundan bəhs etmiş və ailəsinə səbr diləyərək, diqqətə çatdırmışdır ki, Müzəffər Ali Baş Komandan cənab Prezident İlham Əliyevin müdrik siyasəti nəticəsində şəhidlərimizin qanları yerdə qalmamışdır.