31.07.2023
Gəncə - Daşkəsən Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin Mərkəzi Kitabxananın Uşaq şöbəsi 28.07.2023-cü il tarixində "Gəncə şəhər 46 nömrəli körpələr evi - uşaq bağçası"nda nağıl saatı təşkil etdi. Tədbiri aparan şöbənin multimedia mütəxəssisi uşaqlara kitabxananın fondunda olan “Bülbülün nağılı” hekayəsini oxudu. Bu ibrətamiz hekayədən uşaqlara azadlıq hissinin ən böyük sərvət olduğu aşılandı. O qeyd etdi ki, insan azad deyilsə, əhatə olunduğu cah-cəlal ona xoşbəxtlik gətirə, qəlbini şad edə bilməz. Əksinə öz evində, obasında azad, sərbəst yaşayan insan hər zaman xoşbəxtdir. Maraqlı keçən nağıl saatının sonunda uşaqların sualları ətraflı şəkildə cavablandırıldı.