Gəncə Regional Mədəniyyət İdarəsi Gəncə şəhər Mərkəzi Kitabxananın Xidmət şöbəsində  II Qarabağ döyüşləri şəhidləri Bayramov Həsən və Abbasov Nurhanın ailəsi ilə  “Ölməz qəhrəmanlar-Şəhidlik zirvəsi” adlı görüş təşkil edildi. 
Tədbirdə ilk öncə şəhidlərin ruhu 1 dəqiqəlik sükutla yad edildi.  Xidmət şöbəsinin müdiri Aidə Abdullayeva hər iki şəhidlə bağlı qısa məlumat verdikdən  sonra şəhidlərə həsr olunmuş videoçarx nümaqyiş olundu.  Tədbirdə iştirak edən AYB-nin Gəncə Bölməsinin sədri Xəzangül Hüseynova, şairə  Aləmzər Əlizadə, GDU-nun dosenti, Turan Beynəlxalq Akademiyasının Akademiki, şair, alim  Bayram Apoyev, Gəncə UGİM şöbə müdiri Afaq Qədirova, Gəncə şəhər 21 saylı məktəbin  müəlliməsi Nəzakət Qafarova?şəhid analarə Rəbiyyə və Nənəxanım ana, Ticarət və Xidmət  üzrə Gəncə şəhər Peşə Təhsil Mərkəzi 3 saylı litseyinin müəlliməsi Mehri İbrahimova  çıxış  edərək-II Qarabağ savaşı,  şəhidlik, şəhidlər, şəhidliyion uca məqamından, qazi və  şəhidlərimizin şücaətindən danışdılar.  Şəhidlərin valideynləri –şəhid Həsən Bayramovun atası Bəhrəm Bayramov, anası  Ruhiyyə xanım, xalaları Şura, Şəhla xanım, hərbiçi iş yoldaşları Həsən Bayramola bağlı  xatirələrini bölüşdülər. Şəhidin əkiz bacısı Ayna xanım qardaşı ilə bağlı xoş xatirələrini,  qardaşının döyüş yolundan, şücaətindən göz yaşları içində danışaraq bütün tədbir iştirakçılarını  məyus etdi və hər kəs Həsənin nəinki şücaətli bir əsgər, necə bir sevgi dolu övlad, arxa-dayaq  bir qardaş olduğundan xəbərdar oldular.  Şəhid Nurhanın valideynləri- Ələstən Abbasov, Səidə xanım, bacısı Nuranə xanım,  bibisi, döyüş dostu, qazi Şöhrət Məhərrəmli, dostu və yaxın qohumu olan Rövşən Allahverdiyev  də şəhid Nurhanla bağlı xatirələrini, onun könüllü olaraq döyüşə yollanmasını, hər şeydən üstün 
vətənini hesab edərək onun uğrunda edə biləcək fədakarlığından danışdılar.  Hər iki şəhidin bacısı övladları balaca Zəhra və Aylin şəhidlərə həsr olunmuş şeirlər ifa  etdilər.  Sonda çıxış edən MKS-nin direktor vəzifəsini icra edən Gülünaz İsgəndərova şəhid  ailələrinə yenidən başsağlığı və səbr diləyərək, bu fəxarətli adla daim başı uca gəzməyi, şəhid  bacılarına səbrli olub bu fəxri kursunun, ali mərtəbə sahibləri şəhidlərin bacısı adı ilə daim qürür  duymalarını söylədi. Və bütün iştirakçılara tədbirdə iştiraklarına görə minnətdarlığını bildirdi.  Sonda şəhid ailələri ilə  xatirə şəkilləri çəkildi.