08.06.2023-cü il tarixində Gəncə Regional Mədəniyyət İdarəsi Samux rayon Mədəniyyət Mərkəzi Ziyadlı kənd Sənətkarlıq evində "Hüquqlarımızı qoruyaq" mövzusunda dəyirmi masa keçirilib.Tədbirdə Ziyadlı kənd Sənətkarlıq evinin kollektivi, Ziyadlı kənd kitabxana işçiləri, Ziyadlı kənd icra nümayəndəsi və Azər poçt MMC-nın əməkdaşı iştirak ediblər. Tədbirdə çıxış edənlər, Azərbaycanda insan hüquqlarının inkişafı siyasətinin əsasının Ümummilli lider Heydər Əliyev tərəfindən qoyulduğunu qeyd edərək, insan hüquqlarının təmin olunmasının Azərbaycanda dövlət siyasətinin əsas istiqamətlərindən biri olduğunu vurğulayıblar. Tədbir iştirakçılara insan hüquqları anlayışı, mahiyyəti, beynəlxalq hüquqda yeri, tarixi, inkişaf dinamikası barədə məlumatlar verilib. Diqqətə çatdırılıb ki, aylıq çərçivəsinə təşkil olunan tədbirlər ölkəmizdə insan hüquqlarının təbliğinə, insanların hüquq düşüncəsinin və hüquq mədəniyyətinin daha da inkişaf etdirilməsinə, əhalinin müxtəlif qruplarının hüquqlarının müdafiəsinə və onların problemlərinin həllinə öz töhfəsini verir.