Mədəniyyət və Turizm Nazirliyinin “Milli kinonun inkişafına dair tədbirlər haqqında” 8 avqust 2017-ci il tarixli, 186 nömrəli əmrinin icrasını təmin etmək məqsədi ilə Gəncə şəhər MKS-nin oxu zalında kino mövsümünün açılışı ilə əlaqədar, 01 Dekabr 2017-ci il tarixdə, rejissor Rasim İsmayılovun lentə aldığı “Sizi dünyalar qədər sevirdim ” filmi nümayiş olundu.

Tədbiri giriş sözü ilə oxu zalının kitabxanaçısı Əfsanə Bağırova açaraq “Sizi dünyalar qədər sevirdim ” filmi haqqında qısaca məlumat verdi. 1985-ci ildə çəkilən film rejisor Rasim İsmayılovun Azərbaycan xalqının rəşadətli oğlu, igid sərkərdə, iki dəfə Sovet İttifaqı Qəhrəmanı, tank qoşunları general-mayoru Həzi Aslanovun həyat və döyüş bioqrafiyasının səhifələrini canlandırır. Burada hadisələr I Pribaltika cəbhəsində axırıncı döyüş zamanı həlak olmuş Həzi Aslanovun ömrünün son günlərində cərəyan edir. Filmin çəkilişlərində Belarus və Zaqafqaziya hərbi dairələrinin qoşunları iştirak etmişlər.

Sonda isə film nümayiş olundu.