Gəncə Regional Mədəniyyət İdarəsi Goranboy rayon mədəniyyət mərkəzinin Qaradağlı kənd Diyarşünaslıq evində Xoylu Kənd Mədəniyyət Evi, Xoylu və Şadılı kənd Klublarının, Yolqullar və Xoylu kənd kitabxana filiallarının birgə təşkilatçılığı ilə 28-May Respublika gününə həsr edilmiş "Müstəqillikdən doğan günəşin mübarək Azərbaycan" adlı dəyirmi masa keçirilmişdir.

Keçirilən tədbirdə Mədəniyyət işçiləri, Goranboy rayon Qaradağlı kənd Mübariz Səfərov adına tam orta məktəbin müəllim kollektivi, ziyalılar və şagirdlər iştrak etmişdir.

Tədbir iştirakçıları əvvəlcə ümummilli lider Heydər Əliyevin xatirəsini etiramla yad etmiş, Silahlı Qüvvələrin Ali Baş Komandanı cənab İlham Əliyevin rəhbərliyi ilə Şanlı Qələbəmizlə başa çatmış 44 günlük Vətən müharibəsi zamanı şəhid olmuş hərbiçilərimizin əziz xatirəsi bir dəqiqəlik sükutla yad etmişdir.

Tədbiri giriş sözü ilə açan Qaradağlı kənd Diyarşünaslıq Evinin direktoru Dilbazi Əliyeva Yüz beş il bundan əvvəl - 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil oldu deyərək bildirmişdir.

Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi. 1918-ci il mayın 28-də qəbul edilən İstiqlal Bəyannaməsindən - Əqdnamədən də göründüyü kimi, bu möhtəşəm tarix xalqımızın müstəqillik hisslərini daha da gücləndirdi deyə D. Əliyeva bildirmişdir.

Çıxış edən Xoylu kənd Mədəniyyət Evinin bədii-rəhbəri Bahar Məmmədova çıxış edərək bildirmişdir.

Yeni qurulan Azərbaycan Xalq Cümhuriyyəti öz üzərinə götürdüyü çətin tarixi vəzifəni şərəflə yerinə yetirdi. Azərbaycanın ilk Parlamenti və Hökuməti, dövlət aparatı təşkil edildi, ölkənin sərhədləri müəyyənləşdirildi, bayrağı, himni və gerbi yaradıldı, ana dili dövlət dili elan edildi, ordu quruculuğu sahəsində ciddi tədbirlər həyata keçirildi, maarifin və mədəniyyətin inkişafına xüsusi diqqət yetirildi. Azərbaycanın ilk universiteti təsis olundu, təhsil milliləşdirildi, xalqın sonrakı illərdə mədəni yüksəlişi üçün zəmin hazırlayan, ictimai fikir tarixi baxımından müstəsna əhəmiyyətli işlər görüldü deyə B. Məmmədova bildirmişdir.

Qaradağlı kənd tam orta məktəbin müəllimi Ülkər Hümbətova çıxışı zamanı bildirmişdir. Mövcudluğunun ilk günlərindən xalq hakimiyyəti və insanların bərabərliyi prinsiplərinə əsaslanan Azərbaycan Xalq Cümhuriyyəti bütün ölkə vətəndaşlarına eyni hüquqlar verərək irqi, milli, dini, sinfi bərabərsizliyi ortadan qaldırdı.

Dünya birliyi tərəfindən tanınan Xalq Cümhuriyyətinin fəaliyyəti sayəsində ölkəmizin beynəlxalq hüququn subyekti olması 1920-ci ilin aprel ayında bolşevik işğalından sonra Azərbaycanın bir dövlət kimi dünyanın siyasi xəritəsindən silinməsinin qarşısını aldı.

XX əsrin sonlarında yenidən müstəqilliyinə qovuşan Azərbaycan öz suverenliyini qoruyub saxlamağı bacardı. Yenidən hakimiyyətə qayıdan ümummilli lider Heydər Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Beləliklə, Heydər Əliyevin şah əsəri olan müasir müstəqil Azərbaycan dövləti quruldu və sürətli inkişaf yoluna qədəm qoydu deyə Ü. Məmmədova vurğulamışdır.

Çıxış edən Mədəniyyət işçisi Elçin Tağıyev vurğulamışdır. Ulu Öndərimiz dəfələrlə bildirmişdi ki, biz bu gün demokratik Azərbaycan dövlətini qururuqsa, ayağa qaldırırıqsa, Xalq Cümhuriyyətinə borcluyuq. Azərbaycan Xalq Cümhuriyyətinin tariximizdəki yeri və roluna xüsusi qiymət verən Heydər Əliyev deyirdi: “Biz ilk Demokratik Cümhuriyyətin yaranması gününü əziz tutaraq, onu Azərbaycanın dövlət müstəqilliyi günü – Respublika Günü elan etmişik və bu, bizim milli bayramımızdır”.

44 günlük Vətən Müharibəsində qazanılan tarixi zəfərdən sonra Cənubi Qafqazın siyasi mənzərəsinin tamamilə dəyişdiyini qeyd edən rektor Azərbaycanın artıq regionda yeni geosiyasi reallıqlar yaradan dövlətə çevrildiyini diqqətə çatdıran E. Tağıyev dəyirmi masanın mövzusunun aktuallığından danışıb.

Ümummilli Liderin bu siyasətini Prezident İlham Əliyev uğurla davam etdirir.

Dövlətimizin başçısının sərəncamları ilə 2018-ci il ölkəmizdə “Azərbaycan Xalq Cümhuriyyəti İli” elan olundu və AXC-nin 100 illik yubileyi təntənəli şəkildə qeyd edildi. Xalqımız Cümhuriyyətin yarandığı 28 May – Respublika Gününü bu il də milli bayram kimi qeyd edir deyə E.Tağıyev bildirmişdir.

Tədbirdə məktəblilərin əl işlərindən ibarət sərgiyə baxış keçirilmiş və şagirdlərin ifasında şeir parçaları ilə davam etdirilmişdir.