30.03.2023-cü il tarixdə Gəncə Regional Mədəniyyət İdarəsi Xocalı rayon Yaloba kənd Tarix-Diyarşünaslıq muzeyində 31 mart 1918-ci il  tarixdə  Ermənilərin Azərbaycanlılara qarşı törətdikləri soyqrımı Günü ilə əlaqədar olaraq "Qanla yazılmış səhifə" adlı tədbir keçirildi. Tədbirdə Xocalı rayon Kosalar kənd tam orta məktəbin  müəllim və şagirdləri iştirak etdilər. Tədbiri giriş sözü ilə Xocalı rayon Yaloba kənd Tarix-Diyarşünaslıq muzeyinin direktoru Tofiq Məmmədov açaraq Ermənilərin xalqımıza qarşı törətdikləri vəhşilikdən danışdı və Xocalı rayon Kosalar kənd tam orta məktəbin direktoru Rafiq Quliyev, həmin məktəbin tarix müəllimi Cəsarət Süleymanov ətraflı məlumat verdilər. Tədbirin sonunda 31 mart soyqırım ilə əlaqədar video çarx nümayiş etdirildi.