02.12. 2022-ci il  tarixində  Gəncə  Regional Mədəniyyət İdarəsi Gəncə şəhər Mədəniyyət Mərkəzində çoxəsrlik Azərbaycan ədəbiyyatının ən  yaxşı ənənələrini  inkişaf etdirən qüdrətli  söz ustası  Hüseyn Cavidin  anadan  olmasının  140  illiyi ilə əlaqədar ”Əbədi hürriyyət şairi Cavid “ adlı tədbir keçirildi.

    İlk  öncə Azərbaycan  Respublikasının  ərazi  bütövlüyü , torpaqlarımızın işğaldan  azad edilməsi uğrunda  şəhid olmuş  Vətən  oğullarının əziz  xatirəsi bir  dəqiqəlik  sükutla  yad edildi.

     Gəncə  şəhər  Mədəniyyət  Mərkəzinin  bədii  rəhbəri    Eldar  Məmmədov çıxış edərək  qüdrətli söz ustası Hüseyn  Cavidin anadan olmasının  140  illiyinin qeyd  edilməsi ilə əlaqədar Azərbaycan Respublikasının  Prezidenti İlham Əliyevin 24 sentyabr 2022 -ci il tarixli sərəncamından bəhs etdi.

   Gəncə  şəhər  Mədəniyyət Mərkəzinin metodisti Gülarə Qurbanova Hüseyn Cavidin həyat  və  yaradıcılığı haqqında  məlumat verdi.  O, qeyd etdi ki,  Hüseyn  Cavid Azərbaycan ədəbiyyatında romantizm ədəbi  cərəyanının  əsas  nümayəndəsi ,milli romantik  şeirin  və mənzum  faciənin  banisidir. O,”Şeyx  Sənan  “,” Topal  Teymur “,” İblis  “, “Xəyyam  “ , “Səyavuş”dramlarının  və bir sıra  şeir  və qəzəllərin müəllifidir .

      Daha sonra O,bildirdi ki, Azərbaycan ədəbiyyatı tarixinə parlaq səhifələr yazmış Cavid bütün ədəbi fəaliyyəti  boyu həqiqəti, insanpərvərliyi  və gözəlliyi  tərənnüm edib .Ozünü “Səma şairi” adlandıran Hüseyin Cavid göydə bərq vuran ulduzlar kimi hər zaman Azərbaycan ədəbiyyatı içərisində parlayır. Faciələr yazan ,özü faciələrlə üzləşmiş şair 1937-ci ildə, yaradıcılığının ən parlaq çağlarında , Azərbaycan ədəbiyyatına böyük bəhrələr verdiyi bir zamanda repressiyaya uğradı. 
 

      Gəncə şəhər  Mədəniyyət  Mərkəzinin  kütləvi işçisi   Laləxanım  Hacıyeva öz çıxışında  qeyd etdi ki , Ulu Öndər  Heydər Əliyevin şəxsi təşəbbüsü ilə Cavidin nəşinin  uzaq Sibirdən vətəninə gətirilməsi  və məzarı üzərində  məqbərəsinin ucaldılması  adi sovet totalitarizminin günahsız qurbanlarının rəmzinə çevrilmiş 
 sənətkarların  və 1930-cu illərdə repressiyalara uğramış ziyalılarının xatirəsinə  ehtiramın ifadəsidir.

     Tədbirdə  kurs  tələbələri  və  ərazi sakinləri iştirak  etdilər.