Gəncə Regional Mədəniyyət İdarəsi Gəncə şəhər MKS-nin 24 saylı kitabxana filialı 29.11.2022-ci il tarixdə  Ümumdünya Təbiəti Mühafizə Cəmiyyətinin yaranması gününə aid "Təbiət bizim anamızdır" başlıqlı söhbət keçirdi. Tədbirdə kitabxanaçı Sevil Əliyeva söylədi ki, 29 noyabr Ümumdünya Təbiəti Mühafizə  Cəmiyyətinin yaranması günüdür. Kitabxanaçı həmçinin  Ümumdünya  Təbiəti Mühafizə Cəmiyyətinin hansı zəruriyyətdən yaradılması haqqında məlumat verdi. Bu cəmiyyət dünyanın çox saylı dövlət və dövlət qrumlarını, qeyri -hökumət  təşkilatlarını
 və dünyanın  çox saylı tanınmış alim və ekspertini özündə birləşdirir. Tədbirdə həm də ölkəmizdə yaradılmış  milli parklar orada keçirilən müxtəlif yaş qruplarına aid  maraqlı tədbirlər və ekoturizm haqqında da söhbət açıldı. Tədbirdə həm də ölkəmizdə olan dəniz və çaylardan, yeraltı və yerüstü sulardan, meneral xammallardan istifadə, ətraf mühitin qorunması və təbiətdən istifadə haqqında da məlumat verildi. 
Tədbir məktəblilərin çox saylı suallarının cavablandırılması ilə yekunlaşdı. Bu tədbiri təşkil etməkdə məqsədimiz yeniyetmələrə təbiətimizi sevməyi və ona qayğı ilə yanaşmağı aşılamaqdır.