Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin  24 saylı kitabxana filialı Təmas Regional İctimai Birliklə birgə 23.11.2022-ci il tarixdə 25 Noyabr Qadın Zorakılığına Qarşı Beynəlxalq Mübarizə Gününə  aid  "Qadın zorakılığına yox deyək" başlıqlı onlayn konfrans keçirdi. Konfransı açan kitabxana filialının müdiri Rahilə Qasımova  Qadın Zorakılığına qarşı Mübarizə Gününün məhz  25 noyabrda  qeyd olunması səbəbi haqqında tədbir iştirakçılarına qısa məlumat verdi.
Konfransda GDU-nin rus dili kafedrasının  dosenti, Təmas Regional İctimai Birliyinin təsisçisi və rəhbəri Kubra Ələkbərova, Gəncə  şəhər Təhsil İdarəsinin metodist, psixoloqu  Vüsalə Balayeva, Gəncə şəhər 2 saylı ASAN Xidmət Mərkəzinin Ədliyə Nazirliyinin qeydiyyat şöbəsinin baş məsləhətçisi Sevinc  Nağıyeva və AYB üzvü Gəncə YB-nin baş məsləhətçisi şairə Aləmzər Əlizadə çıxış etdilər.
Çıxış edənlər söylədilər ki, qadınlara qarşı zorakılıq halları dövrün qlobal problemlərindən biri olaraq qalmaqdadır və dövlət tərəfindən  böyük  tədbirlər görülür. Konfransda bu halların qarşısının alınması üçün dövlət  və beynəlxalq   təşkilatlar tərəfindən qəbul edilmiş Fəaliyyət  Proqramları, Milli Proqramlar, qanunlar,
qeyri-hökumət təşkilatlarının işləri, həmçinin şəhərimizdə  yaradılmış sığınacaqlar   haqqında ətraflı məlumat verildi.
Tədbirdə qadın zorakılığı ilə bağlı videoçarx nümayiş etdirildi.
Tədbiri keçirməkdə məqsəd gənc nəsli maarifləndirmək, təhsilin hər zaman önəmli olmasını və hüquqlarını bilmələrinin vacibliyini anlatmaqdır.