Gəncə Regional Mədəniyyət İdarəsinin təşəbbüsü ilə dünya şöhrətli dahi Azərbaycan bəstəkarı Fikrət Əmirovun 100 illik yubiley ərəfəsində Gəncədə ilk musiqi məktəbinin və musiqi texnikumunun yaranmasında böyük rolu olan Məşədi Cəmil Əmirovun (Fikrət Əmirovun atası) qəbri ziyarət edildi.

Ziyarətdə Gəncə Regional Mədəniyyət İdarəsinin rəisi Vasif Cənnətov, rəis müavini Asəf Məmmədov, məsləhətçi Rahib Hüseynov, Gəncə şəhər Fikrət Əmirov adına 1 nömrəli Uşaq Musiqi Məktəbinin direktoru Aidə Əmrahova və müəllimlər iştirak ediblər.