Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin 7 saylı kitabxana filialı  20 noyabr Ümumdünya Uşaq Hüquqları Günü ilə əlaqədar "Mənim hüquqlarım məni qoruyur" adlı söhbət keçirdi.Tədbiri böyük kitabxanaçı Könül Mirxudayeva aparırdı.Bülbül adına 3 saylı musiqi məktəbinin şagirdlərinin iştirak etdikləri tədbirdə BMT- nin müvafiq Konvensiyasının tarixi haqqında məlumat verildi.Kitabxanaçı qeyd etdi ki,Uşaq hüquqlarının pozulması günün aktual bir mövzusudur.Diqqətə çatdırlıb ki,Azərbaycan bu konvensiyaya 1992-ci il iyulun 21 - də qoşulub və konvensiyanın əsas məqsədi uşaqların xoşbəxt böyümələrini,onların sağlam rifahı naminə hüquq və azadllqlarından istifadələrini təmin etmək,uşaqlar arasında ayrı-seçkiliyə yol verməməkdir.Tədbir mövzu ətrafında aparılan suallarla davam etdi.Kitabxanaçı vurğuladı ki,bu tədbirin əsas məqsədi uşaqlara diqqətin artırılması və onların öz hüquqlarını bilmələri ilə yanaşı ,özlərini necə qorumağı təbliğ etməkdir.