17.10.2022-ci il tarixində Gəncə Regional Mədəniyyət İdarəsinin tabeliyində fəaliyyət göstərən Gəncə Şəhər Mədəniyyət Mərkəzində “18 Oktyabr Azərbaycanın  Dövlət  Müstəqilliyinin bərpası günüdür”adlı dəyirmi masa keçirildi.

      Dəyirmi masanı Gəncə Şəhər Mədəniyyət Mərkəzinin direktoru Afina Ələkbərova açaraq Azərbaycanın  müstəqilliyi ,ərazi bütövlüyü uğrunda şəhidlik zirvəsinə ucalmış şəhidlərimizin  əziz xatirəsini bir dəqiqəlik sükutla yad edilməsini xahiş etdi.

      Afina Ələkbərova 1991-ci ildə SSRİ-nin dağılması nəticəsində Azərbaycanın ikinci dəfə müstəqillik qazanmasından danışdı.

Mədəniyyət Mərkəzinin bədii rəhbəri Eldar Məmmədov öz çıxışında qeyd etdi ki, Azərbaycan iki dəfə -1918-ci ildə və 1991-ci ildə müstəqillik qazanmışdır.

       Daha sonra o,çıxışında qeyd etdi ki, Ümummilli lider Heydər Əliyev zəngin dövlətçilik təcrübəsinə , yüksək idarəetmə bacarığına söykənərək  Azərbaycanın Dövlət müstəqilliyini möhkəmləndirmiş, ölkəmizin inkişafına,xalqımızın firavan yaşamasına çalışmışdır.
       Mədəniyyət Mərkəzinin tibb kursunun rəhbəri Rüstəm Kərimov  bildirdi ki,müstəqilliyimizin şanlı səhifəsi otuz ildən bəri erməni işğalı altında olan Qarabağımızın 44 günlük Vətən müharibəsində Müzəffər Ordumuz tərəfindən azad olunmasıdır.

      Mədəniyyət Mərkəzinin rəssamlıq kursunun rəhbəri   Yusif Məmmədov  dəyirmi masa iştirakçılarını , xalqımızı 18 Oktyabr Dövlət müstəqilliyimizin bərpası günü  münasibəti ilə təbrik etdi və qeyd etdi ki, Ulu Öndər Heydər Əliyevin zəngin təcrübəsi ilə inkişaf edən Müstəqil Azərbaycan  dövləti  bu gün , Prezident  İlham  Əliyevin rəhbərliyi  ilə daha  da möhkəmləndirilir və inkişaf etdirilir.

    Tədbirdə  Mədəniyyət  Mərkəzində təhsil  alan  kurs  tələbələri  və ərazi  sakinləri  iştirak etdi.