17 oktyabr 2022-ci il tarixdə Gəncə Regional Mədəniyyət İdarəsi Goranboy rayon Heydər Əliyev Mərkəzində Heydər Əliyev Mərkəzi ,Mərkəzi Kitabxana və Şəhər kitabxana filialının birgə təşkilatçığı ilə 18 oktyabr -Müstəqilliyin Bərpası Günü münasibətilə "Heydər Əliyev müstəqil Azərbaycan dövlətinin qurucusudur" mövzusunda elmi-praktiki konfrans keçirildi. İlk öncə Ümummilli Lider Heydər Əliyevin əziz xatirəsi 1 dəqiqəlik sükutla yad edildi. Tədbiri giriş sözü ilə açan Heydər Əliyev Mərkəzinin elmi işçisi Şəbnəm Əliyeva Azərbaycan xalqı ötən əsrin əvvəlində müstəqil respublika qurduğunu və 1991-ci ildə Azərbaycan Respublikası Azərbaycan Xalq Cümhuriyyətinin varisi kimi öz müstəqilliyini bərpa etdiyini bildirdi. YAP-Goranboy rayon təşkilatının əməkdaşı, 2-ci Qarabağ vətən müharibəsi iştirakçısı Səbuhi Əliyev, Şəhər Kitanxana filialının əməkdaşı Kəmalə İsmayılova, Narıngül Quliyeva mövzu ətrafında çıxış etdilər. Mərkəzi Kitabxananın əməkdaşı Gülnar Nəcəfova müəllifi Leyla mətin olan “Qələbə” şeirini səsləndirdi.