Gəncə şəhər Mərkəzləşdirilmiş Kitabxana  Sisteminin 24 saylı kitabxana filialı 15.08.2022-ci il tarixdə uşaqlara multikultural dəyərlərə hörmətlə yanaşmağı təbliğ etmək məqsədilə həm də  yay tətillərini nəzərə  alaraq Azərbaycan poeziyasının  Dahi karifeyi   Nizami Gəncəvinin hələ XII əsrdə ölkəmizin  bu adət -ənənələrə sadiqliyini göstərən "Slavyan gözəlinin hekayəti" adlı nağıl saatı keçirdi. Nağılı uşaqlara danışan kitabxanaçı Sevil Əliyeva Nizami Gəncəvinin "Yeddi gözəl" poemasında  multikultural dəyərlərə  ta qədim zamandan xalqımız hər zaman böyük hörmətlə yanaşmış  və az saylı xalqlarla birgə yaşayışa böyük önəm verdiyini söylədi. Bu isə Azərbaycan xalqının böyüklüyündən mədəniyyətindən və xeyirxahlığından irəli gəlir. Bu gün də xalqımız bu adət və ənənələrə sadiqliyini nümayiş etdirir. "Slavyan  gözəlinin hekayəti"ndə də  dürüst gənc öz bacarığı, ağlı və cəsarəti ilə öz arzusuna nail olur. Çünki o ahıl bir qocanın ona verdiyi nəsihətlərə qulaq asır və əməl edir. Bu isə gəncə baş ucalığı gətirir. Bu hekayətin ideyası onu göstərir ki, rəngindən,  irqindən, dinindən,  mənsub olduğu təbəqədən, cinsindən asılı  olmayaraq hər kəs insandır. Bizimlə birgə yaşayan vətəndaşlarla dostluq, əmin amanlıq şəraitdə yaşamaq, onların dininə, dilinə, adət və ənənələrinə hörmətlə yanaşmaq bizim vətəndaşlıq  borcumuzdur. Çünki II Qarabağ Vətən müharibəsində torpaqlarımızın işğaldan azad edilməsində neçə -neçə az saylı xalqların nümayəndəsi  şəhidlik zirvəsinə ucaldı. Hətta onların içərisində Milli Qəhrəman adını alan da var. Deməli ölkəmizdə bu adət və ənənələrə sadiqlik bu gündə də davam etdirilir. Hər bir vətənpərvər yeniyetmə  vətənə sevgisini belə göstərə bilər.  Kitabxanaçı sonda qeyd etdi ki, "Yeddi gözəl" əsərində bu mövzuda xeyli hekayətlər var. Bu hekayətləri oxumağı sizlərə tövsiyə edirəm. Sonda kitabxanaçı uşaqları maraqlandıran sualları cavablandırdı.