Gəncə şəhər Mərkəzləşdirilmiş Kitabxana Sisteminin 24 saylı kitabxana filialı 5.08.2022-ci il tarixdə XIX əsr Azərbaycanın görkəmli şairi Xurşudbanu  Natəvanın anadan olmasının  190 illiyi münasibətilə "Xurşidbanu Natəvanı tanıyırıqmı?" başlıqlı  viktorina keçirdi.
Tədbiri kitabxana filialının müdiri Rahilə Qasımova açaraq hər kəsi salamladı və bu ilin "Şuşa ili" olması ilə Şuşanın tarixi, ədəbi mühiti, bəstəkarları, xanəndələri haqqında qısa məlumat verdi. Bu gün ki, tədbirimiz isə Xurşudbanu Natəvanın həyat və yaradıcılığına həsr edilmişdir söylədi.   Tədbiri keçirmək üçün Xurşudbanu Natəvanın həyat və yaradıçılığı ilə bağlı iyirmi beş sual hazırlanmışdır.  İştirakçılar 2 komandaya bölündülər. Komandalardan biri "Qartal" digəri isə  "Zirvə" adlandırıldı. Şərtlər əvvəlcədən komandalara bildirildi. "Qartal" komandası  iyirmi bir on doqquz hesabı ilə "Zirvə" komandasına qalib gəldi. Viktorina iştirakçılar tərəfindən böyük coşqu ilə keçdi. Hər iki komandanın viktorinaya hazırlaşmasında GDU-nin Azərbaycan dili və ədəbiyyatı kafedrasının  3-cü kurs tələbələri Nəzrin Hüseynova və Sona İsgəndərova bilik və bacarıqlarını əsirgəmədilər. Bu tədbirlə yeniyetmələr Şuşanın tanınmış şairə, rəssam və xeyriyyəçi qızı Xurşudbanu  Natəvanın həyat və yaradıcılığı  haqqında xeyli məlumat öyrəndilər. Tədbiri keçirməkdə məqsədimiz  iştirakçılara vətənpərvərlik hisslərini aşılamaq, Şuşanın ədəbi mühitinin və tanınmış şəxsiyyətlərinin Azərbaycanın  ədəbiyyatının, mədəniyyətinin, incəsənətinin inkişafında hər zaman mühüm rol oynadığını çatdırmaq idi.