23.06.2022
Gəncə Regional Mədəniyyət İdarəsi Gəncə Mərkəzləşdirilmiş Kitabxana Sisteminin 8 saylı kitabxana filialı 22.06.2022 -ci il tarixdə Narkomaniya və Narkobiznesə qarşı Beynəkxalq Mübarizə günü ilə əlaqədar "Bəşəriyyətin ən böyük bəlası narkomaniyadır" adlı mövzu saatı keçirdi. Böyük kitabxanaçı Nabidə Əliyeva bu günkü günün mahiyyəti haqda iştirakçılara qısa məlumat verdi.
Mövzu üzrə çıxış edən 8 saylı orta məktəbin psixoloqu Sevinc Əsgərova bildirdi ki, narkomaniya insan həyatının faciəsi, ümid və arzuların məhvidir. Bəşəriyyətin ən böyük bəlalarından sayılan narkotiklərin qanunsuz dövriyyəsi və narkomanlıq bu gün dünyanı narahat edən başlıca problemlərdən biridir. Bu qlobal problem cəmiyyətin mənəvi və əxlaqi dəyərlərinə böyük zərbə vuran, sosial - iqtisadi inkişafı ciddi şəkildə ləngidən,insanların sağlam həyat tərzini təhlükə altına atan və ağır cinayyətin yaranmasına səbəb olan əsas amildir.
Sonra mövzu ilə bağlı çıxış edən oxucu Lalə Əliyeva vurğuladı ki, insanı bu bəladan uzaq tutmaq üçün bütün təşkilatlar maarif, mədəniyyət , səhiyyə, hüquq mühafizə orqanları və s. birləşərək mübarizə aparmalıdırlar. Bu mübarizədə valideyinlərin üzərinə çox böyük məsuliyyət düşür. Əgər hər hansı bir ailədə əxlaqi və etik qaydalar, vətənə sevgi, ata- anaya məhəbbət, milli kökə bağlılıq güclüdürsə, onun böyüvdüyü, yetirdiyi övlad hec vaxt nankor ola bilməz. Odur ki, valideyinlər bunu unutmamalı.Övladlarını düzgün tərbiyə etməli, onların sağlam inkişafının qayğısına qalmalıdırlar. Sonra tədbir iştirakçıları ilə fikir mübadiləsi aparılaraq belə nəticəyə gəlindi ki, birlikdə mübarizə aparmaqla, həm inzibati , qaydada, həm də maarifləndirmə yolu ilə gələcəyimizi bu ağır bəlalardan qoruyaq, sağlam cəmiyyətin formalaşmasına nail ola bilərik.