03 İyun 2022 –ci il  tarixində Gəncə  Regional Mədəniyyət İdarəsinin tabeliyində fəaliyyət göstərən Gəncə şəhər Mədəniyyət Mərkəzində  Əhməd  Cavadın 130 illiyi  ilə  əlaqədar “Cümhuriyyət deyəndə yada  Əhməd  Cavad düşür” adlı dəyirmi masa keçirildi.

     İlk öncə Azərbaycan Respublikasının suverenliyi ,torpaqlarımızın azad olunması uğrunda canlarından keçmiş  şəhidlərimizin  əziz xatirəsi bir dəqiqəlik sükutla yad edildi və Azərbaycan Respublikasının Dövlət Himni səsləndirildi.

    Daha sonra Gəncə şəhər Mədəniyyət Mərkəzinin direktoru Afina Ələkbərova qeyd etdi ki, Azərbaycan  Respublikasının Prezidenti Cənab İlham Əliyevin məlum sərəncamına əsasən bu il , yəni 2022-ci ildə Cümhuriyyət şairi Əhməd Cavadın 130 illiyi qeyd edilir.

      Afina Ələkbərova Əhməd Cavadın həyat və yaradıcılığı haqqında qısa məlumat verdi. O, qeyd etdi ki, şairin bədii –siyasi ideya dünyası təbiət və sevgi lirikası qədər çeşidli və zəngindir.O, təkcə üçrəngli bayrağa alti nəğmə yazmışdır. Azərbaycan  Dövlət  Himninin mətni, həmçinin “Can  Azərbaycan”,  ” Al bayraq “, ”Azərbaycan bayrağına “ kimi  əsərlər Əhməd Cavada  məxsusdur.Əhməd  Cavad Azərbaycan ədəbiyyatı tarixinə həm də görkəmli tərcüməçi kimi daxil olmuşdur.

     Cümhuriyyət şairi Əhməd Cavadın 130 illiyinə həsr olunmuş tədbirdə məktəblilər şairin müxtəlif illərdə , müxtəlif səpkilərdə yazdığı  şeirlərdən , bayatılardan parçalar söylədilər.