01.06.2022-ci il tarixində Kəlbəcər rayon Mərkəzləşdirilmiş Kitabxana Sisteminin Uşaq  şöbəsi 1 iyun Uşaqların Beynəlxalq müdafiəsi günü ilə əlaqədar “Dünyanı uşaqlara verək” başlığı altında tədbir keçirildi.Tədbiri giriş sözü ilə Uşaq şöbəsinin müdiri Günel Qasımova açaraq  1 iyun -Uşaqların Beynəlxalq Müdafiəsi Günü münasibətilə qonaqları təbrik edib və xoş arzularını bidlirdi. Uşaqların Beynəlxalq Müdafiəsi Gününün əhəmiyyətini, dövlətimiz tərəfindən insan hüquqlarının, o cümlədən uşaq hüquqlarının təmin olunmasına böyük diqqət yetirildiyini, bu sahədə qanunların, dövlət proqramlarının qəbul edildiyindən danışdı.Metodika və Biblioqrafiya şöbəsinin müdiri Gülnarə Mamedova çıxış edərək 1 iyun Uşaqların Beynəlxalq Müdafiəsi Günü münasibəti ilə uşaqları təbrik etdi. Onlara bu bayram haqqında məlumat verdi.Tədbirdə Kəlbəcər rayon 9 və 11 saylı tam orta məktəbin şagirdləri Məhəmməd Füzulinin “Meyvələrin söhbəti” poeması  əsasında  səhnəcik göstərdilər.Uşaqlar Hərbi Vətənpərvərlik mövzusunda şeirlər söylədilər.Tədbirin sonunda Kəlbəcər rayon Uşaq İncəsənət məktəbinin şagirdlərinin ifasında musiqi səsləndirildi.