19.04.2022-ci il tarixində Gəncə Regional Mədəniyyət İdarəsi Samux rayon Heydər Əliyev Mərkəzində "Şuşa ili" çərçivəsində Müstəqil Azərbaycanın qurucusu ulu öndər Heydər Əliyevin zəngin irsinə həsr edilmiş "Şuşa bizim milli rəmzimizdir" mövzusunda seminar keçirildi. Tədbir Zəfəri bizə bəxş edən şəhidlərimizin əziz xatirəsinin yad edilməsi ilə başlandı. Tədbiri giriş sözü ilə açan Samux rayon Heydər Əliyev Mərkəzinin baş fond mühafizi Raziyə Qasımova, Mərkəzin əməkdaşları Afərin Namazova, Zenfira Qılıcova tədbir iştirakçılarına mövzu ətrafında geniş çıxış etdilər. Sonda ulu öndərin mövzunu əhatə edən videoçarx izlənildi.