Tarixi abidələr, xüsusilə türbə və qədim məzarlıqlar bir xalqın milli kimliyini sübut edən mədəniyyət nümunələridir. Onların qorunması, dərindən öyrənilməsi və gələcək nəsillərə çatdırılması bizim borcumuzdur.
Azərbaycan Respublikasının Mədəniyyət Nazirliyi 18 Aprel Beynəlxalq Abidələr və Tarixi Yerlər Gününə həsr olunmuş "Təmiz heykəl" adlı layihə həyata keçirir. Layihəyə 18 aprel saat 12:00 da Xurşidbanu Natəvanın heykəlinin təmizlənməsi ilə start verildi.  Mir Cəlal Paşayev Ev Muzeyinin kollektivi də bu layihəyə qoşuldu. Azərbaycanın dahi şairi Nizami Gəncəvinin adını daşıyan Nizami prospektində yerləşən bağda  ucaldılan Nizami Gəncəvinin heykəlini təmizləyib,  ətrafını abadlaşdırdılar. Sonra heykəlin qarşısına çiçəklər  əkdilər.