Gəncə  şəhər  Regional  Mədəniyyət  İdarəsi Gəncə şəhər  Mərkəzləşdirilmiş  Kitabxana  Sisteminin 5 saylı  kitabxana  filialında 08.04.2022- ci il  tarixdə Azərbaycanın görkəmli şairəsi Xurşidbanu Natəvanın 190 illik yubileyi ilə əlaqədar  “Xurşidbanu Natəvanın poeziyası” başlığı  altında şeir  gecəsi keçirildi. Tədbirdə Kəlbəcər rayonunun Gəncədə fəaliyyət göstərən 109 saylı tam orta məktəbin 8 və 10-cu sinif şagirdləri, müəllimlər və fəal oxucular iştirak edirdi.

 Gəncə şəhər MKS-nin  5 saylı kitabxana filialının  böyük kitabxanaçısı Nazilə  Həsənova şairin həyat və yaradıcılığı haqqında qısa məlumat verdi. Sonra çıxış edən 109 saylı Kəlbəcər tam orta məktəbin müəlliməsi Könül Bayramova  Xurşidbanu Natəvanın XIX əsrin 50-ci illərindən ədəbi fəaliyyətindən, Azərbaycan və fars dillərində  çoxlu qəzəlləri, lirik şerləri, rübailərinin  olduğunu qeyd etmişdir. Bayramova  Könül Xurşidbanu Natəvanın XIX əsrin bir çox böyük şairlərini özündə cəm edən "Məclisi-üns" ədəbi məclisini təşkil etməsindən danışdı. Həmin  məktəbin dil ədəbiyyat müəllimi Gülayə Məhərrəmova  Xurşidbanu Natəvanın “Gülün”, “Qərənfil” və sair qəzəllərində məhəbbət, təbiət gözəllikləri tərənnüm olunmasını bildirmiş, “Ağlaram”, “Olaydı”, “Getdi”, “Sənsiz”, “Ölürəm” və başqa bu kimi bədbin ruhlu şeirlər yazdığını iştirakçıların diqqətinə çatdırmışdır. Məktəblilər şairənin ilhamla qələmə aldığı  “Eylər”, “Oğluma “, “Bənövşə “, Bənzətdim”, “Getdi” şerlərini söylədilər. 109 saylı  məktəbin şagirdi  Salmanova Gülşən  tədbiri şairənin  “Sənsiz“ qəzəli ilə bitirdi.