Azərbaycan Respublikası Mədəniyyət Nazirliyi

Gəncə-Daşkəsən Regional Mədəniyyət İdarəsi

Xəbərlər
Xəbərlər
|

“Qan Yaddaşımız” adlı tədbir təşkil edilib

31.03.2022

31.03.2022-ci il tarixində Nizami Gəncəvi Muzeyində “Qan Yaddaşımız” adlı tədbir təşkil edilmişdir.Tədbirdə Gəncə Dövlət Universitetinin tələbələri iştirak etmişdir. Tədbiri çıxış sözü ilə açan Nizami Gəncəvi Muzeyinin direktoru Könül Süleymanova nitqində soyqırım haqqında məlumat verib bildirmişdir:

1918-ci il 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələri azərbaycanlılara qarşı soyqırımı törədiblər. Soyqırımı nəticəsində 12 minə yaxın azərbaycanlı qətlə yetirilib. Bakı Kommunası tərəfindən əksinqilabçı ünsürlərlə mübarizə şüarı altında Bakı quberniyasını azərbaycanlılardan təmizləmək məqsədi güdən mənfur planın həyata keçirilməsinə başlanılıb. Mart qırğınları zamanı ermənilər bir çox qədim binaları, tarixi abidələri, o cümlədən ziyarətgahları, dünya memarlığının incilərindən sayılan İsmailiyyə binasını top atəşinə tutaraq dağıdıblar. Xəzər dənizində yerləşdirilmiş hərbi donanmanın açdığı atəş nəticəsində Cümə və Təzəpir məscidlərinin minarələri ağır zədə alıb.Daşnak silahlı dəstələri karvansarada vəhşicəsinə öldürdükləri insanların meyitlərini elə oradaca yandırıblar.

Daha sonra Gəncə Dövlət Universitetinin tarix müəllimi Yahya Süleymanov çıxış etmişdir. Müəllim “31 Mart” soyqırımı ilə əlaqədar bildirmişdir ki, Ulu Öndər Heydər Əliyev 1919 və 1920-ci ilin mart ayının 31-i iki dəfə Azərbaycan Xalq Cümhuriyyəti tərəfindən ümummilli matəm günü kimi qeyd edilib.1998-ci il martın 26-da Prezident Heydər Əliyev “Azərbaycanlıların soyqırımı haqqında" fərman imzalayıb. Həmin gündən 31 Mart tarixi Azərbaycanlıların Soyqırımı günü kimi qeyd olunur.

Sonda tələbələr Nizami Muzeyi ilə tanış olmuş və şəkil çəkdirmişdilər.

 

83 KB

 

77 KB

 

102.2 KB