17.03.2022
Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin 1 saylı kitabxana filialı 17.03.2022-ci il tarixində 4 saylı məktəblə birlikdə milli-mənəvi dəyərimiz olan Novruz bayramı günü ilə əlaqədar “Bənövşə ətirli baharım gəlir” başlığı altında ədəbi-bədii gecə keçirdi. Tədbiri 4 saylı məktəbin müəllimələri Eminbəyli Səadət və Babayeva Mehriban açaraq, xalqımızın qədim bayramlarından sayılan Novruz bayramının adət və ənənələrindən danışaraq qeyd etdi ki, bu bayramın sevinci daha fərqlidi, çünki uzun illərin həsrətinə,acısına son qoyaraq bütöv xalq olaraq zəfər çalmış bir ölkə kimi qeyd edirik.
Artıq iki ilə yaxın bir vaxtdır ki, bayram tonqallarımız işğaldan azad olunmuş torpaqlarımızda alovlanır.Bu qələbə əzimli bayram sevincini bizə qanı, canı bahasına yaşadan şəhidlərimizə qazilərimizə borcluyuq.Tədbir 1saylı kitabxananın və 4 saylı məktəbin hazırladığı ssenari əsasında davam etdi. 1saylı kitabxana filialının müdiri Məlikova Züleyxa öz çıxışında bildirdi ki, bu bayram həm adi insan bayramıdır, həm millət, həm xalq, həm də dövlət bayramıdır. Bu bayramı bütün başqa bayramlardan fərqləndirən cəhət bundan ibarətdir ki, hər bir vətəndaş, hər bir azərbaycanlı , Azərbaycan torpağında yaşayan hər bir insan bu bayramı öz qəlbində, öz evində, obasında, ailəsində bayram edir.
Kosa və keçəlin tədbirə qatılması uşaqların sevincinə səbəb oldu. Onlar bayram əhval -ruhiyyəli şerlər söylədilər, mahnılar oxudular, rəqslər etdilər.Tədbirdə bahar qızının gətirdiyi bayram hədiyyələri uşaqlara paylandı.İştirakçılar tədbirdən xoş təəssüratla ayrıldılar.