Gənc nəslin hərtərəfli inkişaf etməsi, mənəvi cəhətdən gözəl olması üçün uşaq ədəbiyyatının mütaliəsi zəruridir. Mütaliə uşaqların hərtərəfli inkişafına – onun mədəni səviyyəsinin və biliyinin artmasına, söz ehtiyatının zənginləşməsinə kömək edir, onların fərdi marağını, zövqünü təmin edir. Bu məqsədlə Gəncə şəhər Mərkəzləşdirilmiş Kitabxana Sisteminin Mərkəzi Kitabxananın Uşaq şöbəsində 28.02.2022-ci il tarixində növbəti kitab xülasəsi təşkil olundu.  Şöbənin kitabxanaçısı Kifayət Sadıqova məktəblilərə  Azərbaycan uşaq yazıçısı Sevinc Nuruqızının “Paltar dolabında gizlənqaç”, Ağca və Cubbulu”,”Ağabəyim ağa”, “Bozqulaq və fəsillər”, “İpəkcənin macəraları”  kitablarını xülasə etdi. Tədbirdə həmçinin uşaqlara yazıçı Sevinc Nuruqızı haqqındada geniş məlimat verildi.  Kitab xülasəsində Gəncə şəhər İsrafil Məmmədov adına 27 nömrəli  məktəb-liseyin 3-cü sinif şagirdləri iştirak etdilər.