Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin 24 saylı kitabxana filialı 28.02.22-ci il tarixdə Fransız ədəbiyyatının görkəmli nümayəndəsi Viktor Hüqonun anadan olmasının 220 illiyi münasibətilə "Böyük vətənpərvər- Viktor Hüqo" başlıqlı sərgi keçirdi. Sərgidə  filialın kitabxanaçısı Sevil Əliyeva  dünya ədəbiyyatının inkişafında mühüm xidmətləri olan  fransız yazıçısı  Viktor Hüqonun həyat və yaradıcılığı haqqında  ətraflı məlumat verdi. O, qeyd etdi ki, Vüktor Hüqo fransız mədəniyyəti  tarixində öncə şair, daha sonra  isə roman və dram əsərlərinin müəllifi kimi, dünyada isə  romanlar müəllifi kimi tanınmışdır.
Sərgidə "Səfillər" romanının I-V cilddə, "Seçilmiş əsərləri" I-III cilddə, "Paris Notr-Dam kilsəsi" və s. kitablar latın və kiril qrafikasında sərgilənmişdir.
Sonda kitabxanaçı Viktor Hüqonun  əsərləri yüksək mənəvi amalı,  bədii kamilliyi və öz dərin bəşəri  məzmunu ilə həmişə olduğu kimi bu gün də  dünya oxucularını həyacanlandırır, insana şərəfi və ləyaqəti  uğrunda mübarizəyə yaxından kömək etdiyini söylədi.   Yazıçının əsərləri hələ neçə-neçə gənc nəslin vətənpərvər, mübariz ruhda böyüməsində, şəxsiyyət kimi formalaşmasında mühüm əhəmiyyəti olacaqdır.