12.03.2018-ci il tarixində Gəncə şəhər MKS-nin Oxu zalında Azərbaycan Xalq Cümhuriyyətinin 100 illiyinə həsr olunmuş“Bir kərə yüksələn bayraq, bir daha enməz” adlı sərgi təşkil edilmişdir. Tədbirdə tələbə və şagirdlər, kitabxananın fəal oxucuları iştirak edirdi. Kitabxanaçı Əfsanə Bağırova tədbiri açaraq bildirdi ki, 1991-ci ildə öz müstəqilliyini bərpa edən müasir Azərbaycan Respublikası, 1918-1920-ci illərdə 23 ay ərzində mövcud olan və müsəlman Şərqində ilk dünyəvi, demokratik dövlət kimi tarixə düşən Azərbaycan Xalq Cümhuriyyətinin siyasi varisidir. Azərbaycan Xalq Cümhuriyyəti xalqımızın qədim dövlətçilik ənənələrini yaşadaraq, həmin dövr üçün mütərəqqi hesab edilən dövlət təsisatlarının yaradılmasına nail olmuşdur. Gərgin və mürəkkəb ictimai-siyasi şəraitdə fəaliyyət göstərmiş Azərbaycan Xalq Cümhuriyyətinin demokratik dövlət quruculuğu, iqtisadiyyat, mədəniyyət, təhsil, hərbi quruculuq və sair sahələrdə həyata keçirdiyi işlər Azərbaycan xalqının tarixinin parlaq səhifəsidir. ...

İstiqlal Bəyannaməsinin elan edildiyi 1918-ci ilin 28 may tarixi hazırda dövlət müstəqilliyinin bərpa edilməsi günü - Respublika Günü kimi qeyd edilir. Sonra Əfsanə xanım mövzu ilə bağlı sərgidə nümayiş olunan kitablar və dövrü mətbuatda çıxan məqalələr haqqında tədbir iştirakçılarına ətraflı məlumat verdi.