29.12.2021-ci il tarixdə Gəncə şəhər Mərkəzləşdirilmiş Kitabxana Sisteminin 24 saylı kitabxana filialı  AMEA-nın Gəncə  bölməsi Nizami Gəncəvi irsinin tərcüməsi şöbəsinin baş elmi işçiləri Pedaqoji elmlər üzrə fəlsəfə doktoru, dosent Aləmzər Tağıyeva və Filologiya  elmləri üzrə fəlsəfə doktoru Əlimuxtar Muxtarovun "Nizami Gənvəvi ili"ndə çapdan çıxan kitablarının onlayn təqdimatını keçirdi.

Tədbiri giriş sözü ilə açan filialın müdiri Rahilə Qasımova Dahi Nizami Gəncəvinin dünya şöhrətli bir sənətkar   və dünya poeziyasının  günəşi olmasından bəhs  etdi.  Onu da qeyd etdi ki,  bu il hər iki alim üçün çox səmərəli il olmuşdur. Əlbətdə ki,  bu onların  neçə illik gərgin əməyinin nəticəsidir. Bu isə Şeyx Nizami Gəncəvi yurdunda yaşayan, Nizami irsini araşdıran  ziyalıların mənəvi borcudur. Tədbirdə  Filologiya elmləri doktoru AMEA-nın Nizami Gəncəvi adına ədəbiyyat şöbəsinin aparıcı elmi işçisi Xuraman Hümmətova,  AMEA-nın Məhəmməd Füzuli adına Əlyazmalar İnstitutunun elmi katibi, filologiya üzrə fəlsəfə doktoru, dosent Əzizağa Nəcəfzadə, Gəncə  Tarix  Mədəniyyət  Qoruğunun Nizami Gəncəvi Məqbərə filialının müdiri Gülnarə İsmayılova, Yazıçılar Birliyinin üzvü, Gəncə Yazıçılar bölməsinin  baş məsləhətçisi, şairə Aləmzər Əlizadə,  AMEA-nın Gəncə bölməsi Azərbaycan ədəbiyyatı şöbəsinin elmi işçisi Vüsalə Hüseynova  çıxış etdilər. Çıxış edənlər hər iki müəllifin kitabları haqqında ətraflı məlumat verdilər və bu kitabların gələcək nizamişünaslar yetişməsində  mühüm rol oynaya biləcəyindən danışdılar.  Onların əməyi yüksək qiymətləndirilərək Mədəniyyət Nazirliyi tərəfindən   "Nizami"nişanı və  AMEA-nın rəyasət heyəti tərəfindən  fəxri fərman ilə təltif   edilmişlər. Tədbirdə 19 saylı orta məktəbin 5 sinif şagirdləri Aysel Əlizadə və Gülüzar Namazova Aləmzər Tağıyevanın  "Калейдоскоп жизни" kitabından şeirlər söylədilər. 4 saylı  Uşaq musiqi  məktəbinin  şagirdi Sübhan İsmayılov "Bu torpağa borcluyam" mahnısını ifa etdi.  Onu müəllimi Vüqar Bağırov fortepianoda müşayət etdi. Sonda   hər iki alimin yaradıcılığından  bəhs edən videoçarx  nümayiş etdirildi.