01.12.2021-ci il tarixində  Kəlbəcər  rayon  Mərkəzləşdirilmiş  Kitabxana  Sisteminin Uşaq Şöbəsi  44  günlük  Vətən  Müharibəsində  könüllü iştirak etmiş qazilərimiz Əsgərov Ramin Vidadi oğlu, Mamedov İlkin Elçin oğlu, Süleymanov Ruslan Fazil  oğlu, Xəlilov Samir  Firdovsi oğlu  ilə görüş keçirdi.

Görüşdə  torpaqlarımızın azadlığı uğrunda canlarını qurban vermiş şəhidlərimizin ruhu bir dəqiqəlik sükutla yad edildi. Mərkəzləşdirilmiş Kitabxana Sisteminin Kitabişləmə şöbəsinin  müdiri  Kamalov Yaşar çıxış edərək bildirdi ki, Zəfərimizə mənəvi məna verən  28 il işğal altında olan torpaqlarımızı, xüsusilə siyasi və strateji əhəmiyyət daşıyan Şuşa şəhərinin hərbi döyüşlərlə azad edilməsi oldu. Beləliklə, Azərbaycan son 2 əsrlik tarixində ilk dəfədir ki, müharibədən ərazi itkisi ilə yox, ərazi bütövlüyünü bərpa edərək çıxır. Azərbaycan Ordusunun əldə etdiyi tarixi zəfər dövlət və xalqın mənafeyi baxımından xüsusi  əhəmiyyətə malikdir.  Uzun illərdən bəri düşmən tapdağı altında qalmış torpaqlarımızın işğaldan azad edilməsi ilk növbədə  Azərbaycan xalqının özünə inamını qaytardı, xalqın öz liderinə, onun gücünə etibarını daha da möhkəmlənməsindən danışdı.

Qazilərimiz çıxış edərək torpaqlarımızın azadlığı uğrunda gedən döyüşlərdə qəhrəman oğullarımızın şücaətindən , mərd və qorxmaz olmalarından, yaralı olduqları halda necə vuruşduqlarından danışdı.