04.11.2021-ci il tarxində Gəncə Regional Mədəniyyət İdarəsi Kəlbəcər rayon Mərkəzləşdirilmiş Kitabxana Sisteminin Bağırsaq  kənd kitabxana filialının işçiləri 44 günlük Vətən müharibəsində qəhrəmanlıq göstərərək şəhidlik  zirvəsinə  ucalan  Müddətdən Artıq Xidmət edən (MAXE)  Qabilov İsmayıl  Əli oğlunun   ailəsini ziyarət edib. Görüşdə torpaqlarımızın azadlığı uğrunda canlarından keçərək şəhidlik  məqamına  ucaldılmış  igid oğullarımızın ruhu bir dəqiqəlik sükutla yad edildi.

Tədbiri  giriş sözü ilə filial müdiri  Xəlilova Sona  açaraq bildirdi ki, vətən müharibəsi   xalqımızın həm hüquqi, həm də mənəvi haqqından  doğan, beynəlxalq ədalətə  söykənən  reallığı, eyni zamanda, nəinki ölkəmizin  vətəndaşlarının , eləcə də dünyanın müxtəlif  ölkələrində  yaşayan azərbaycanlıların Vətən sevgisinin, Azərbaycanın ərazi bütövlüyünü təmin etmək, milli birliyi möhkəmləndirmək işinə dönməz sadiqliyinin sınağı olmasından danışdı.

Tədbirdə şəhidin həyat yoldaşı  Qabilova Nəsibə   vətən müharibəsində Murovdağ, Ömər aşırımı istiqamətində  gedən döyüşlərdə  qəhrəmanlıq  göstərərək  28.09.2020- ci il tarixində   şəhidlik zirvəsinə ucalmasından danışdı. Şəhid  05.12. 2020-ci il tarixində  Göygöl rayonunda Şəhidlər Xiyabanında dəfn olunmuşdur.

Azərbaycan Respublikası Prezidenti cənab İlham Əliyevin müvafiq sərəncamı ilə “Vətən uğrunda” , “Kəlbəcərin azad olunması uğrunda” medalları  ilə təltif olunub