07.10.2021-ci il tarixində Kəlbəcər rayon Mərkəzləşdirilmiş Kitabxana Sisteminin Qanlıkənd  kənd kitabxana  filialının  işçiləri  44  günlük  Vətən  Müharibəsində qəhrəmanlıq  göstərərək  şəhidlik  zirvəsinə  ucalan  MAXE (Müddətdən artıq xidmət edən) Mammedov İbrahim Nadir  oğlunun ailəsi  ilə “Qəhrəmanlıq zirvəsi”  adlı  görüş keçirlmişdir.

   Görüşdə  torpaqlarımızın  azadlığı  uğrunda canlarından keçən qəhrəmanlarımızın  ruhu bir dəqiqəlik  sükutla  yad edildi. Tədbiri giriş sözü ilə Qanlıkənd   kənd kitabxana filialının  müdiri  Həsənova Şövkət     açaraq  bildirdi ki,  Azərbaycan xalqı humanist, sülhsevər  xalqdır. Biz hər zaman torpaqlarımızın sülh yolu ilə azad edilməsinin tərəfdarı olmuşuq. Lakin xain düşmənin təxribatları və iftiraları buna imkan vermədi. Müzəffər Azərbaycan Ordusu çıxdığı bu şərəfli yolda, bu müqəddəs savaşda böyük zəfərlə bizləri sevindirdi. Bu zəfəri bizə yaşadan qəhrəman  oğulların şücaət göstərərək şəhidlik zirvəsinə ucalmasından danışdı.

  Görüşdə  şəhidin  anası  Mammedova  Svetlana   oğlu  Mammedov İbrahimin sağlığında Vətənə layiqli xidmət etdiyi üçün  “Azərbaycan  Ordusunun  100 illik yubileyi”  medalı almasından,  Suqovuşanın   işğaldan azad olunması uğrunda aparılan döyüşlərdə qəhrəmanlıq  göstərməsindən, 01.10.2020-ci il tarixində Talış istiqamətində gedən döyüşlərdə şəhidlik zirvəsinə ucalmasından  danışdı. Görüşün sonunda Goranboy rayonun  Rəhimli  kəndində  dəfn  olunmuş  şəhidin məzarı ziyarət olundu.

Azərbaycan  Respublikasının  Prezidenti  cənab  İlham Əliyevin  müvafiq sərəncamına əsasən  “Suqovuşanın azad olunması”  və  “Vətən uğrunda”  medalları  ilə  təltif  edilib.

Allah bütün şəhidlərimizə rəhmət eləsin