29  sentyabr  2021-ci il tarixində  Kəlbəcər  rayon Mərkəzləşdirilmiş  Kitabxana Sisteminin  İstisu  kənd  kitabxana  işçiləri 44  günlük  Vətən  Müharibəsində  qəhrəmanlıq  göstərərək  şəhidlik  zirvəsinə  ucalan,  könüllü olaraq döyüşə qatılan  Qocayev Asif  Yolçu oğlunun ailəsi ilə  “Şəhadətlik zirvəsi” adlı  görüş  keçirilmişdir.

Görüşdə  İstisu  kənd  kitabxansının kitabxanaçısı  Səlimova Esmira  çıxış edərək bildirdi ki,  bütün yüksəkliklərdən  ucada dayanan  zirvə  var: Şəhidlik  zirvəsi. Bu zirvəyə qalxmaq hərkəsə  nəsib olmur. Vətən , xalq sevgisi  idi onlara cəsarət verən, sıralarını möhkəm edən, illər ötüb, qərinələr dolaşsa da, şəhidlərin  heç vaxt unudulmamasından, həmişə minnətdarlıq duyğuları ilə yada salınmasından xatirələrinə dərin ehtiram bəslənilməsindən  danışdı.  Şəhidin anası  Qocayeva  Gülnarə  oğlunun  Vətənə,  torpağa   bağlılığından,  döyüş  meydanında özü yaralı  olduğu  halda  xeyli sayda yaralı  hərbiçi  yoldaşlarına kömək  edərkən  şəhidlik  zirvəsinə  ucalmasından   danışdı. Qocayev Asif  Yolçu oğlu 8 noyabr  2020-ci il tarixində  Şuşanın azad olunması uğrunda gedən  döyüşlərdə  şəhidlik  zirvəsinə  ucalıb. Qocayev  Asif  Yolçu  oğlu   Gəncə  şəhəri  Şəhidlər  Xiyabanında  dəfn  edilib.

Azərbaycan  Respublikasının  Prezidenti  Cənab  İlham  Əliyevin  müvafiq  Sərəncamına  əsasən  Qocayev Asif  Yolçu  oğlu  göstərdiyi şücaətə  görə “Cəsur döyüşçü”, “Vətən uğrunda” və “Şuşanın azad olunması”  uğrunda  medalları  ilə  təltif  olunmuşdur.

Allah şəhidlərimizə rəhmət eləsin.