Gəncə Regional Mədəniyyət İdarəsi  Gəncə şəhər Mərkşzləşdirilmiş Kitabxana Sisteminin 24 saylı kitabxana filialı 18 iyun Milli İnsan Hüquqları Günü münasibətilə "Hüquqlarımız bizim müdafiəçimizdir" başlıqlı onlayn maarifləndirmə tədbiri keçirdi. Tədbirdə kitabxana filialının müdiri Rahilə Qasımova  18 iyun Milli İnsan Hüquqları günü haqqında məlumat verdi. 
Tədbirdə Rəsmi Hüquq Xidməti Rəhbəri peşəkar hüquqşünas Sevil Tağıyeva, Vəkillər Kollegiyasının  üzvü,  Gəncə şəhər 1 saylı vəkillər bürosunun vəkili   Vüqar Süleymanov, Metodiki işlərin  təşkili şöbəsinin müdiri  İradə Abbasova, kitabxananın əməkdaşları və oxucular iştirak etdilər. Hüquqşünaslar müasir dövrümüzdə hər bir dövlətin sivil inkişafı, demokratik  dəyərlərə sadiqliyi, ilk növbədə onun insan  hüquqlarına münasibəti ilə  müəyyən  olunmasını söylədilər. Həmçinin Azərbaycan  xalqının ümummilli lideri Heydər Əliyevin təşəbbüsü ilə ilk dəfə olaraq ölüm cəzasının ləğv olunmasından, Əfv institutunun bərpa olunmasından, "İnsan hüquqlarının  müdafiəsinə dair Dövlət Proqramı"nın  əhəmiyyətindən danışıldı. 2011-ci ildə "Azərbaycan Respublikasında insan hüquq və azadlıqlarının müdafiəsinin səmərəlliyini artırmaq sahəsində Milli  Fəaliyyət Proqramı"nın qəbul  olunması  cəmiyyətdə əhalinin müxtəlif qruplarının  hüquqlarının qorunmasına öz töhfəsini vermişdir. Hər kəsin doğulduğu andan toxunulmaz, ayrılmaz  hüquqları və azadlıqları vardır. Hüquqşünaslar həm də uşaq hüquqlarından, uşaqların fiziki  əməyə cəlb olmalarının  qanunsuz olduğundan, əmək müqavilələrindən, şəxsi mülkiyyət və başqa qanunlar haqqında  da danışdılar. Onu da qeyd etdilər ki,  hər bir insan onun  mənsub olduğu irqdən, çinsiyyətindən, dildən, dindən, siyasi və digər baxışlardan , milli və sosial mənşədən, mülkiyyətdən, doğum və başqa hallardan aslı olmayaraq  təmin olunmuş insan haqlarına və azad olmaq hüququna malikdir. Hazırda müstəqil Azərbaycanda hüquq islahatları ölkə başçısının rəhbərliyi ilə uğurla davam etdirilir. Ölkəmizdə insan, vətəndaş hüquq və azadlıqlarının qorunması işi bu gündə təkmilləşdirilir və həyata keçməsi üçün müəyyən tədbirlər görülür. Tədbirdə həmçinin ombudsman çağrı mərkəzinin nömrəsi söylənildi və  hüquqsünaslar tədbir iştirakçılarının müxtəlif suallarını cavablandırdılar.