Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin  24 saylı kitabxana filialı  01.06.2021-ci il tarixdə 1 iyun Uşaqların Beynəlxalq Müdafiəsi Günü münasibətilə  "Dünyamızın, həyatımızın  mənası uşaqlar" başlıqlı onlayn görüş keçirdi.
Görüşü  kitabxana filialının müdiri Rahilə Qasımova  açaraq 1 iyun Uşaqların  Beynəlxalq Müdafiəsi günü münasibəti ilə uşaqları təbrik etdi və bu günün yaranması  haqqında ətraflı məlumat verdi.
Tədbirdə  Təhsil Respublika İdman Mərkəzi Gəncə şəhər 2 saylı Uşaq Gənclər İdman Şahmat məktəbinin  bir qrup  məşqiçi müəllimləri  dama üzrə baş məşqiçi  Gülşən Abdullayeva,  respublika  dərəcəli hakim  Ləman Quliyeva,  Təranə Qənbərova, əməkdar məşqiçi  Lalə Budaqlı,  Aytən Bayramova, Yeganə Əkbərova, respublika  turnirlərində I, II, III yerləri tutan  və "20 yanvar şəhidləri"nə, Novruz  bayramına, "Nizamı Gəncəvi-880", Ümummilli lider Heydər Əliyevin anadan olmasının 98 il dönümünə həsr  edilmiş şahmat, dama yarışlarında yaşıdları arasında birinciliklər əldə edən ikiqat dünya çempionu Leyla Budaqova, Muraz Kərimli, Sadiq Məhərrəmli,   Aydın Nəsirov, Aysel  Nəsirova, Pərvanə İsgəndərova, Aynur Rzayeva,  Aysu İsgəndərova, Əlimehdi Hüseynov, Əli Həsənzadə, Fərhad Əliyev həmçinin dama yarışlarındakı birinciliklərindən əlavə kinboksda birincilik əldə edən Zahir və Rahil Rzayevlər, kitabxananın əməkdaşları və  digər oxucular iştirak etdilər.

Tədbir iştirakçıları,  19 saylı kitabxana filialının müdiri Elza Əliyeva uşaqları bu gün münasibəti ilə təbrik etdilər onlara müstəqil Azərbaycanda aydın səma, firəvan həyat, qayğısız  və mənalı uşaqlıq illəri, yarışlarda bol-bol uğurlar arzuladılar. Çünki bu uşaqların uğurları Azərbaycanın uğurlarıdır söylədilər.

Tədbirdə həmçinin bütün şəhid ailələrinin uşaqlarını təbrik etdilər. Tədbir Ümummilli lider Heydər Əliyevin  bu müdrik kələmları ilə başa çatdı: "Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır"