Gəncə  Regional  Mədəniyyət İdarəsinin Samux rayon  Heydər Əliyev Mərkəzi, Samux rayon Mərkəzi Kitabxanasının Uşaq  şöbəsi, Qarayeri  qəsəbə  kitabxana  filialı  və  Qarayeri  qəsəbə 1 saylı körpələr evi, uşaq bağçasının 1 İyun Uşaqların Beynəlxalq  Müdafiəsi günü münasibəti ilə  “Uşaqların nağıl  dünyası” adlı  birgə  təşkil  etdiyi  onlayn  tədbir  keçirildi.

Tədbiri giriş sözü ilə Qarayeri qəsəbə  kitabxana  filialının müdiri  Samirə  Məmmədova  açıq  elan  etdi və təbrik üçün sözü Samux rayon Heydər Əliyev Mərkəzinin direktoru  Nuranə Həsənovaya verdi. Nuranə Həsənova şəhid və qazi övladlarının timsalında bütün körpələri təbrik etdi, Samux rayon Mərkəzi Kitabxanasının Uşaq şöbəsinin müdiri Venera Məmmədova öz çıxışında 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi gününün qeyd olunmasının qərara alınmasından danışdı. 

Qarayeri qəsəbə 1 saylı körpələr evi, uşaq baxçasının direktoru Mahirə  Məmmədovaya  söz verildi, o da  öz  çıxışında  Uşaqların  Beynəlxalq  Müdafiəsi günü münasibəti ilə uşaqları təbrik etdi.