Gəncə Regional Mədəniyyət İdarəsi Gəncə şəhər Mərkəzləşdirilmiş Kitabxana Sisteminin  24  saylı kitabxana filialı 15.05.2021-ci il tarixdə  15 may Ailə Gününə həsr edilmiş "Sağlam ailə sağlam  cəmiyyətin təməlidir" başlıqlı onlayn konfrans keçirdi. Tədbiri filialın müdiri Rahilə Qasımova açaraq iştirakçıları salamladı və 15 may Ailə Gününün yaranması haqqında məlumat verdi. Konfransda Gəncə şəhər Mədəniyyət İdarəsinin məsləhətçisi, Əməkdar mədəniyyət işçisi, şair, publisist Bəxtiyar Muradov,Gəncə  MKS-nin direktoru Elmira Əliyeva, direktor müavini Fəridə Qədimova, Gəncə şəhər Kəpəz rayon  qeydiyyat şöbəsinin  rəisi Səbinə Əhmədova, Abbas Səhhət adına  xəstəxananın "Ailə sağlamlıq mərkəzi"nin şöbə müdiri Tükəzban  Məmmədova,  24 saylı orta məktəbin müəllimi Şəbnəm Nağıyeva və başqa kitabxana əməkdaşları  və fəal oxucular iştirak  etdilər. Çıxışçılar  söylədilər ki, Azərbaycanda 2008-ci ildən hər il dövlət səviyyəsində ailə günü qeyd edilir. Ailə  dəyərlərinin qoruyub saxlanılaraq gələcək nəsillərə ötürülməsi, gənclərin yaşlılara hörmət ruhunda tərbiyə olunması, ailədə sülh və dözümlülük mədəniyyətinin, sağlam həyat tərzinin təbliğı  məqsədi ilə Ailə, Qadın və Uşaq  Problemləri üzrə Dövlət Komitəsi tərəfindən xüsusi işlər həyata keçirilir.

Tədbirdə erkən nigahdan və onun fəsadlarından, nigahdan əvvəl həkim testlərindən keçirilməsinin  vacibliyindən danışıldı. Dağılan ailələrdə qadın və uşaqların məişət zorakılığına məruz qalmalarından söhbət   açıldı. Sağlam cəmiyyətin, güclü dövlətin formalaşması və inkişafında  mühüm  vasitə olan ailə insanların bütün yaş dövrlərində  ehtiyac  duyduğu ən ali dəyərdir. Tədbirdə yeni qurulan ailələrə uzun ömür, dözümlük, səbr, sədaqət, səmimiyyət, inam,  ülvü məhəbbət arzuladılar.