Gəncə şəhər Mərkəzləşdirilmiş kitabxana sisteminin Uşaq şöbəsi 01. 02. 2018-ci il tarixdə 5 nömrəli tam orta məktəbdə görkəmli maarifçi, pedaqoq, ədəbiyyatşünas, publisist Köçərli Firidun bəy Əhməd bəy oğlunun anadan olmasının 155 illiyi ilə əlaqədar “Balalara hədiyyə” kitabının təqdimatını keçirdi.

Tədbiri kitab haqqında giriş sözü ilə şöbənin kitabxanaçısı Kifayət Sadıqova açaraq bildirdi ki, Azərbaycan xalqının böyük maarifpərvər oğlu Firidun bəy Köçərli geniş xalq kütləsinin savadlanması yolunda çox iş görmüşdür. 1912-ci ildə çap olunan “Balalara hədiyyə” kitabı da belə ali məqsəd daşıyır. Bu kitabda müəllifin Azərbaycan folkloruna aid materiallar, uşaqların çox sevdiyi “Göyçək Fatmanın nağılı”, “Pıspısa xanım və Siçan bəy”, “Şəngülüm, Şüngülüm, Məngülüm” və s. kimi məşhur xalq nağıllarını, sayaçı sözləri və s.toplanmışdır. Kitabdan , uşaqlarla ayrı – ayrı qısa hissələr oxundu və müzakirələr aparıldı.

Uşaqlara elan edidi ki bu kitablı əldə edib oxumaq üçün kitabxanamıza üzv olun.

Tədbir çox canlı və maraqlı keçdi.