19  aprel 2021 – ci il tarixində Gəncə Regional Mədəniyyət  İdarəsi Samux rayon Mərkəzi Kitabxanasının Uşaq şöbəsinin  təşəbbüsü ilə  Nizami Gəncəvinin  880 illiyinə  həsr olunmuş  “ Tarixdə iz qoyanlar“ adlı onlayn  tədbir  keçirildi.

       Tədbiri Samux rayon Mərkəzi Kitabxana Sisteminin direktoru Şəhla Abdullayeva açaraq iştirakçıları salamladı  və  Nizami Gəncəvi haqqında  haqqında qısa məlumat verdi. Sonra uşaq şöbəsinin  kitabxanaçısı  Zəminə Məmmədova  dahi şairin həyat  və  yaradıcılığı haqqında  çıxış etdi.

Uşaq şöbəsinin fəal oxucusu  Rühanə Abbasova şairin mənzum hekayələri haqqında danışdı.

Multimedia resusları üzrə mütəxəssis İlahə Sadıqova şairin dünya şöhrətli “Xəmsə”sindən qısa məlumat verdi. Samux rayon Mərkəzi Kitabxana Sisteminin Qovlarsarı  kənd kitabxana filialının müdiri Nəzmiyyə Xəlilova  şairin “Leyli və Məcnun “ poemasından danışdı. Heydər Əliyev Mərkəzində fəaliyyət göstərən kitabxana filialının müdiri Laləzər Məmmədova “Yeddi Gözəl” poeması haqqında ətraflı məlumat verdi.

Heydər Əliyev Mərkəzində fəaliyyət göstərən kitabxana filialının fəal oxucusu Ülvi Zeynallı Nizami Gəncəvinin qəzələrindən bir parça söylədi. Qarayeri qəsəbə kitabxana filialının kitabxanaçısı Cəmilə Abdullayeva Nizami Gəncəvinin kəlamlarını səsləndirdi.

Uşaq şöbəsinin müdiri  Venera Məmmədova Nizami Gəncəvinin, əsərlərində  azadlıq, demokratiya, əmək, qadın azadlığı, sülh məsələlərini tərənnüm etməsindən, dahi şairin ədəbiyyat tarixində müstəsna  xidmətlərindən danışdı.

Tədbirin sonunda fəal oxuculardan, Rəsul Əsgərzadə, Zümrüd Rzayeva, Rühanə Abbasova şairin əsərlərindən nümünələr söylədilər.