Yaponiyanın Azərbaycana yeni təyin olunmuş fövqəladə və səlahiyyətli səfiri Cuniçi Vada Gəncə şəhərinə səfəri çərçivəsində Heydər Əliyev Mərkəzində, F.Əmirov adına Gəncə Dövlət Filarmoniyasında, Şah Abbas Cümə məscidində olmuş, Cavadxan məqbərəsini ziyarət etmişdir.

Səfir həmçinin Nizami Məqbərəsini ziyarət edərək, dahi Azərbaycan şairi Nizami Gəncəvinin Muzeyi ilə də tanış olmuşdur.

Gəncə Regional Mədəniyyət İdarəsinin rəisi Vasif Cənnətov, Yaponiya səfiri Cuniçi Vadanı mədəniyyət müəssisələri ilə tanış etmişdir.