23.01.18 – ci il tarixdə Gəncə şəhər Mərkəzləşdirilmiş Kitabxana Sisteminin 7 saylı kitabxana filialı Azərbaycan Xalq Cumhuriyyətinin yaranmasının 100 illiyi münasibətilə tədbir keçirdi. Böyük kitabxanaçı Könül Mirxudayeva “ İstiqlalın şanlı yolu ” adlı məruzə ilə çıxış etdi. Məruzədə ilk əvvəl dünyəvi demokratik dövlət olan Azərbaycan Xalq Cumhuriyyətinin yarandığı günün tarixinə nəzər yetirildi , bu dövlətin yaranmasında xidmətləri olan Məmməd Əmin Rəsulzadə , Fətəli xan Xoyski , Nəsib bəy Yusifbəyli , Əlimərdan bəy Topçubaşovun göstərdiyi xidmətlərdən bəhs edildi. Tədbirin sonunda tədbir iştirakçıları mövzu ilə əlaqədar videogörüntüyə baxdılar.