Gəncə şəhər MKS-nin Uşaq şöbəsi 19.01.2018-ci il tarixində 27saylı məktəblə birlikdə 20 Yanvar faciəsinin 28-ci il dönümü ilə əlaqədar olaraq “ 20 Yanvar - milli tariximizin unudulmaz səhifəsidir” baılığı altında anım günü keçirildi.

Tədbiri Uşaq kitabxanasının müdiri Ellada Dəhazi- Rəhimova açaraq bildirildi ki, 20 Yanvar faciəsində Azərbaycan xalqına qarşı işlədilmiş cinayət əslində bəşəriyyətə, humanizmə, insanlığa qarşı həyata keçirilmiş çox dəhşətli bir əməldir. 1990-cı il 20 Yanvar yalnız hüzn deyil , həmdə qürur günü kimi əsrlər boyu yaddaşlarda qalacaqdır. Azərbaycanın azadlığı və ərazi bütövlüyü uğrunda canlarından keçən şəhidlərin ruhu bir dəqiqəlik sükutla yad edildi.

Anım günündə məktəblilərin ifasında Bəxtiyar Vahabzadənin ”Şəhidlər”, Ülvi Bünyadzadənin “Vətən üçün ölməliyik”, R. Həsənlinin “Od vurub qəlbimə 20 Yanvar ” və s. şeirləri səsləndi. M. Aslanın “Ağla qərənfil, ağla” şeirindən hazırlanmış kompozisiya ilıə çıxış etdilər.