Gəncə şəhəri Mədəniyyət Mərkəzində “Azərbaycan Respublikasının Müstəqilliyi günü” adlı dəyirmi masa keçirildi. Tədbirdə Mədəniyyət Mərkəzinin işçiləri, 15 saylı şəhər orta məktəbinin şagirdləri, 3 saylı kitabxananın işçiləri, qəsəbə sakinləri iştirak etdilər. Tədbiri giriş sözü ilə Mədəniyyət Mərkəzinin direktoru Afina Ələkbərova açdı. O, qeyd etdi ki, 20-ci əsrdə Azərbaycan iki dəfə öz müstəqilliyini, azadlığını qazanmışdır. Sonra söz tədbir iştirakçılarına verildi. Onlar da Azərbaycanın müstəqillik yollarında atdığı çətin və əzəmətli addımlardan danışdılar.