Gəncə Dövlət Dram Teatrı özünün 125-ci teatr mövsümünü Azərbaycan Yazıçılar Birliyinin Gəncə Bölməsinin sədri şair-damaturq Xəzəngül Hüseynovanın “Xəcalət Gözəli” əsəri ilə açdı. Teatrın gənc və istedadlı aktyoru Elşad Əhmədovun quruluş verdiyi tamaşa Azərbaycan ədəbiyyatının görkəmli nümayəndəsi, rubai ustasi, şahmat elminin bilicisi, cəng musiqi alətinin mahir ifaçısı, şərqin demokratik ruhlu şairi Məhsəti Gəncəvinin həyatından bəhs edir. Tamaşa teatrsevərlər tərəfindən rəğbətlə qarşılandı.