23 iyul 2019-cu il tarixdə Goranboy rayon Mədəniyyət Mərkəzində Azərbaycan ədəbiyyatının görkəmli nümayəndəsi, istedadlı nasir, tanınmış ədəbiyyatşünas pedaqoq və ictimai xadim, xalq yazıçısı İsmayıl Şıxlının anadan olmasının 100 illiyi münasibətilə tədbir keçirildi. Tədbirdə Goranboy rayon Mədəniyyət Mərkəzinin, Tarix-Diyarşunaslıq Muzeyinin, Heydər Əliyev Mərkəzinin, 1 nömrəli şəhər Sənətkarlıq klubunun əməkdaşları da iştirak etdilər. Yubiley tədbirində Rayon Mədəniyyət Mərkəzinin bədii rəhbəri Adilə Məmmədzadə görkəmli yazıçının həyat və yaradıcılığından ətraflı məlumat verdi. Sonda isə hər kəsin sevərək izlədiyi "Dəli Kür" filmi təqdim edildi.