Nağıllar uşaqların inkişafında çox böyük əhəmiyyət kəsb edir. Kitablar uşağın istiqamətinin düzgün müəyyənləşdirilməsində mühüm rola malikdirlər. Nağıla qulaq asan uşaqlar humanizm, cəsurluq, qayğıkeşlik, özündən böyük və kiçiklə necə davranmaq lazım olduğunu öyrənir. Bütün bu keyfiyyətləri uşaqlara aşılamaq üçün Gəncə şəhər Uşaq Kitabxanasında hər həftənin I və VI günləri nağıl saatı təşkil olunur. 15.04.2019-cu il saat 11.00-da Gəncə şəhər Uşaq Kitabxanasında keçirilən “Mənim nağıllı dünyam “adlı növbəti nağıl saatının qonaqları 31 saylı bağçanın müəllim və kiçikyaş qrupunun fidanları oldu.