Gəncə şəhər Mərkəzləşdirilmiş kitabxana sisteminin 8 saylı kitabxana filialı, 8 saylı tam orta məktəblə birgə 11 dekabr 2017-ci il tarixdə Ümummilli lider Heydər Əliyevin “Dünyanın hər yerindən görünən zirvə” başlıqlı anım günü keçirdi.

Ulu öndərin əziz xatirəsi bir dəqiqəlik sükutla yad edildi. 8 saylı orta məktəbin direktoru Lətifə Quliyeva Umummili Lider Heydər Əliyevin Azərbaycan dövlətinin müstəqillik və inkişaf yollarından danışdı.

8 saylı kitabxana filialının böyük kitabxanaçısı Əliyeva Nahidə bu dahi insanın Azərbaycan xalqının yaddaşında qurucu və xilaskar dövlət xadimi, ümummilli lider və xalq məhəbbətini qazanan öndər kimi qalmasından bəhs etdi.

Məktəbin şagirdləri Ulu Öndərə həsr edilmiş şeirlər söylədilər.

Tədbir iştirakçıları Ümummilli lider Heydər Əliyevin həyat və fəaliyyətindən hazırlanmış video çarxla tanış oldular .